Баянзүрх дүүргийн 21 дүгээр хороонд 127 дугаар бүрэн дунд сургуулийн барилга ашиглалтад орж сурагчдаа хүлээн авлаа.

Улсын төсвийн хөрөнгө оруулалтаар барьсан тус сургууль нь  640 сурагч хүлээн авах хүчин чадалтай бөгөөд одоогоор 27 дүгээр хорооны 780 хүүхэд суралцаж байна. Тус сургуулийн барилгыг “Сити плазе" ХХК  барьж гүйцэтгэжээ.

Дашрамд дурдахад, энэхүү сургуулийн барилгын ажил 2012 онд эхэлсэн хэдий ч хөрөнгө мөнгөний асуудлаас үүдэн зогсоод байсан юм. Баянзүрх дүүргийн Засаг дарга Д.Пүрэвдаваа болон удирдлагууд, эцэг эхчүүдийн туслалцаа дэмжлэгтэй шийдсэнээр ийнхүү хүүхдүүд гэртээ ойрхон шинэ сургуультай боллоо.

Сургуулийн нээлтийн үйл ажиллагаанд дүүргийн  Дэд бүтэц, хот төлөвлөлт хариуцсан Засаг даргын орлогч Т.Батцогт, тус хорооны Засаг дарга Б.Наранцэцэг болон бусад албаны хүмүүс,  багш, сурагчид, эцэг эхийн төлөөлөл оролцов.