Оюутан залуусын хувьд сургуулиа төгсөж, ажил амьдралтайгаа залгах үе бол хамгийн чухал үе. Ялангуяа өнөөдрийн манай нийгэмд бол бүүр хэцүү. Төрийн алба бол бараг л боломжгүй байдаг. Харин  хувийн компаниуд нь ажилласан жил шаардаад явчихна.

Гэхдээ боломж огт байхгүй гэсэн үг биш. Та бүхэнд мэргэжлийн дагуух ажилаа хэрхэн хайх талаар дараах зөвлөгөөг хүргье.

Нэгдүгээрт: Оюутан байхдаа залуучүүд маань хүсэл мөрөөдөлдөө амьдардаг. Гэтэл төгсөөд амьдрал дээр гарахад огт тийм биш байдаг нь залуучуудад хүнд  тусдаг. Тийм учраас сэтгэл зүйн бэлтгэлтэй байх хэрэгтэй. Чи хүсч мөрөөддөг, хийхийг хүсдэг ажилдаа шууд орно гэж байхгүй. Тийм учраас өөрийнхөө чиглэлийн дагуу ажлыг гололгүй хийх хэрэгтэй.  Чи өөрийнхөө салбарт ажиллаж байхдаа туршлагатай болохоос гадна тэндээсээ дараагийн алхамыг  олж харахыг үгүйсгэхгүй.

Хоёрдугаарт: Ажилгүй байхаас айж өөрийн хүсээгүй ажлыг хийж болохгүй. Ингэснээр чи цагаа дэмий үрнэ.  Төгсөөд ажил хайхдаа аль болох өөрийнхөө мэргэжлийн дагуу ажил хайх хэрэгтэй. Хүн дуртай, хийж чаддаг зүйлдээ л амжилт гаргана. Түүнээс биш хэдэн төгрөгний цалинд нь болж ажиллах юм бол чи ажлаасаа сэтгэл ханамжийг мэдэрхгүй шүү дээ.

Гуравдугаарт: Хөдөлмөрийн биржүүдэд бүртгүүлэх. Таны мэргэжилийн дагуух ажилд зуучилж өгч чадна.

Дөрөвдүгээрт: Biznetwork.mn  сайтад CV  гээ байршуулах. Энэхүү сайт нь Монголын томоохон ажил олгогч компаниудын хүний нөөцийн мэргэжилтнүүдийг нэгтгэж чадсан учир танд хайсан ажилаа хайхад тус дөхөм болно.

Тавдугаарт: Мэдээж зорилготой байх хэрэгтэй. Чи өөрийнхөө хүсэл мөрөөдөлд хүрэхийн тулд анхны сонголтыг мөрөөдөлдөө ойртуулж хийгээрэй. Бас хэтэрхий яарах хэрэггүй. Чи зөв замаа алдалгүй явж байхад хүсэл мөрөөдөлдөө хүрэх болно.