Дэлхийн хүн амын өсөлт болон улс орнуудын хотжилт, хөдөө аж ахуйн үсрэнгүй хөгжлийг даган цэвэр усны хэрэглээ мэдэгдэхүйцээр өсөж байгаа. Энэ өссөж буй хэрэгцээг хангахаар хаа сайгүй усан хангамжийн системүүд бий болж байгаа хэдий ч өнөөдөр дэлхийн хүн амын 40% нь усны хомсдолтой нөхцөлд амьдарч байгаа бөгөөд цаашлаад 2025 он гэхэд 2/3 нь ийм байдалд орно гэсэн тооцоо байдаг.

Манай улс энэ өдрийг 2005 оноос хойш тэмдэгдлэн өнгөрүүлж байгаа билээ. Энэ жил "Ус ба хүнсний аюулгүй байдал" уриан дор зохион байгуулна. Энэ хүрээнд НҮБ-иийн Хүүхдийн сантай хамтран "Ус хүний эрх" хэлэлцүүлгийг төрийн ордонд зохион байгуулах юм. Уг хэлэлцүүлэгт НҮБ-инй хөгжлийн хөтөлбөрийн суурийн төлөөлөгч хатагтай Сезин Синаноглу, Байгаль орчин, аялал жуулчиллын сайд Д.Цогтбаатар, УИХ-ийн гишүүн С.Баяр, Монгол улсын ерөнхийлөгчийн Байгаль орчны зөвлөх Э.Зоригт нар оролцож үг хэлэх ажээ. Эл өдөртэй холбогдуулан  нэгэн тоо баримт дурдахад өнгөрөгч онд улсын хэмжээнд гол мөрөн, булаг шандыг тооллогод хамруулахад 6700 гол, 3600 нуур, 10 мянга шахам булаг хамрагдсан байна. Үүнээс 586 гол ширгэж, 480 булаг, 1522 булаг хатаж үгүй болсон харамсалтай тоо баримт гарчээ. Эдгээр ширгэж, хатсан гол, нууруудын 60-70 хувь нь дахиж хэзээ ч сэргэхгүй гэсэн тооцоо бий.

Хэрэв та өдөрт 2 удаа тус бүр 3 минут шүдээ угаадаг гэж бодъё. Энэ үедээ усны цоргыг нээлттэй орхивол минут тутамд 5л ус зарцуулж улмаар жилд 10950л ус үргүй зарцуулна. Иймээс шүдээ угаах , сахлаа хусахдаа крантаа  хааж бай.
•    Шүдээ угаасны дараа амаа зайлахдаа аяга ус хэрэглэж заншвал та жилд 9100л ус хэмнэх болно.
•    Гар нүүрээ угаахдаа усаа хэтэрхий ихээр гоожуулахгүй крантаараа усаа тохируулж бага гоожуулвал ус хэмнэх бололцоотой
•    Ус хэрэглэснийхээ  дараа  крантаа  сайн  хааж бай
•    Шүршүүрт орохдоо биеэ савандах үедээ усаа хааж бай. •     Аяга тавгаа угаахдаа мөн адил усаа хэтэрхий ихээр гоожуулахгүй крантаараа усаа тохируулж бага гоожуулвал ус хэмнэх бололцоотой 
•    Мөн жимс ногоог угаахдаа гал тогооны тосгуурыг хагаслаж дүүргээд угаах нь таны ус болон мөнгийг хэмнэх болно.
•    Хүнс ногоо угаасан усаа битгий  асга , түүгээр  гэрийнхээ  цэцэг ногоог усла 
•    Аяга таваг , тогоо шанагаа угаахдаа  сайтар  үрж  зүлгэхдээ  усаа хааж бай. Дараа нь цэвэр усаар зайл. 
•    Өндөг  чанасан усаараа цэцэгээ  усалж  бай. Өндөгний  хальсаны минералууд  цэцэгнд сайн нөлөөтэй. 
•    Ус дуслаж байгаа крантуудыг хаах
•    Эвдэрхий цоргоор долоо хоногт 90л ус жилд 4680л ус алддаг.
•    Бочкиний тоноглолоор ус алддаг бол яаралтай харъяа орон сууцны байгууллагын мэргэжлийн засварчнаар засуулах хэрэгтэй
•    Энгийн татуургатэй бочки 8-9л усыг нэг таталтаар урсгадаг бол харин 6/3 гэсэн хосолсон бочки нь усаа хагас болон бүтнээр нь татдаг тул мөн л ус хэмнэнэ 
•    Ус алдаж байгаа болон дусалж байгаа  цоргуудаа  мэргэжлийн байгууллагад хандаж сайтар засуул. 
•    Гэртээ усны тоолуур тавиулж өрх гэрийнхээ зардлыг хэмнэцгээе. 
•    Сантехникийн тоног төхөөрөмжөө зөв ашиглаж сурах 
•    Усны крантыг /хаалт/ хаахдаа хэт чангалвал амархан эвдэрнэ. Халуун хүйтэн усны крантыг зөөлөн эргүүлж хааж, нээж байгаарай. 
•    Хэрэв танайх угаалгын машины холболтыг халуун, хүйтэн усны  шугамд зэрэг холбосон бол машин ажиллаагүй үед крантыг /хаалтыг/  заавал хааж байгаарай. Хаагаагүй тохиолдолд халуун, хүйтэн ус холилдон хүйтэн усны шугамаар халуун ус ирэх, сантехникийн эд анги эвдэрнэ гэдгийг анхаарна уу. 
•    Шугам сүлжээг аль болох ил байлгахыг зөвлөж байна. Усны шугам хагарах, гэмтэх, засварлах, солих үед хүндрэл учирдгыг анхаарна уу. 
•    Суултуур болон угаалтуурт том хэмжээний хог хаягдал хийхгүй байх. Урсах боломжгүй том хог хаягдлыг бохирын шугамд хийснээр шугам бөглөрч бусад айл өрхийн угаалтуур, суултуураар бохир хальдагийг анхаарах