Нью Йоркийн алдарт Метрополитан Урлагийн Музей  нийтийн хүртээл болгосон бүх бүтээлүүдээ онлайнаар судалгаа ба арилжааны зорилгоор дэлгэх болсоноо зарлалаа. Метрополитан музей дэлхийн соёлын 5000 жилийн түүхтэй коллекцуудтай бөгөөд музей шинэ бодлогынхоо дагуу Creative Commons, Wikimedia, Artstor, the Digital Public Library of America (DPLA), Art Resource, and Pinterest зэрэг онлайн эх сурвалжуудтай хамтран ажиллахаар болсон байна. Ингэснээр музейд хадгалагдаж байгаа урлагийн бүтээлүүдийн үзэгч, сонирхогчийн хүрээ улам тэлэх юм. Тиймээс урлагт хайртай хүмүүс Метрополитан музейн коллекцуудыг хамтран ажиллах сайтуудаас шууд үзэх боломжтой болж байна.

Эхний байдлаар 375.000 зураг онлайнаар тавигдах ба сая гаруй нийтийн хүртээл болсон бүтээлүүдийг дижитал хувилбарт оруулна.