“Хятад дууг хэн сайн дуулах вэ” тэмцээний шилдэг оролцогчид шалгарлаа


6 сар

Монгол Улс БНХАУ-тай дипломат харилцаа тогтоосны 74 жилийн ой энэ онд тохиож байна. Хоёр орны хамтын ажиллагааны хүрээнд урлаг соёлын арга хэмжээг энэ өдрүүдэд Улаанбаатар хотод зохион байгуулж байна.

Бид авьяас хэмээх нэг хэлтэй уриан дор Хятад дууг хэн сайн дуулах вэ? уралдааныг жил бүр зохион байгуулахаар болсон. Энэ жилийн тэмцээнд 100 гаруй хүн бүртгүүлж, шилдгүүдийг шалгарууллаа.

“Хятад дууг хэн сайн дуулах вэ-2023” уралдааныг БНХАУ-аас Монгол Улсад суугаа элчин сайдын яамны соёлын зөвлөх, УБ хот дахь Хятадын соёлын төвийн захирал Ли Чжи, Өвөрмонголын радио телевизийн хорооны Дэд дарга Ли Же, Өвөрмонголын өртөө засах орны Ардын засгийн ордны Хэвлэл мэдээллийн албаны дарга Жан Шинь Хуй тэргүүтэй хүндэт зочид оролцож, БНХАУ-ын хөтлөгч Сун Юи Нан хамтран хөтлөн явууллаа.

Уралдаанд Монголын дуунд дуртай 15-50 насны хэн бүхний өмнө нээлттэйгээр хоёр дахь жилдээ зохион байгуулагдлаа. “Хятад дууг хэн сайн дуулах вэ-2023” уралдаан гурван үе шаттай явагдаж дууслаа. Тус уралдааныг Өвөр монголын өөрөө засах орны Ардын засгийн газрын хэвлэл мэдээллийн алба, Улаанбаатар хот дахь Хятадын соёлын төв, ӨМОЗО-ны радио телевизийн хорооноос зохион байгуулж, шилдгийн шилдэг оролцогчийг шалгаруулж, 10 сая төгрөг, өргөмжлөл, цом гардууллаа.

Шилдэг оролцогчдыг 100 хувь шүүгчийн оноогоор шалгаруулсан бөгөөд уралдааны ерөнхий шүүгчээр МУГЖ С.Наран ажиллалаа.  Шилдгийн шилдэг оролцогчоор Г. Хүслэн шалгарч 10 сая төгрөг, өргөмжлөл, цомийн эзэн болсон бол, хоёрдугаар байранд Н. Сумъяасүрэн Ц.Чүнчигноров, гуравдугаар байранд  Б.Сарнай Н. Наранцацрал  Г.Туяа, Тусгай байранд  Э.Дүүриймаа У.Цэнгүүн М.Булган  Б.Нямдэлгэр нар тус тус шалгарчээ. Уралдаанд оролцогчдын дууг цахим хуудсанд нийтэлж олны хүртээл болгоод буй.

Post image
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү