Говь-Алтай аймгийн Тонхил сумаас зүүн урд зүгт 30 км зайд өнөөдөр /2020.03.20/ 11:03:11 цагт 5.8 магнитудын газар хөдлөлт болжээ. 

Энэ нь Ховд аймгийн нутаг дэвсгэрт нөлөөлсөн байна.

Тодруулбал, Ховдын цагаар 10:04 минутын үед иргэдэд газар хөдлөлтийн чичирхийлэл хүчтэй мэдрэгдсэн аж. Улмаар Ховд аймгийн Жаргалант суманд 3-4, Цэцэг, Мөст, Алтай, Үенч, Булган, Дарви суманд 5-6 магнитудын газар хөдөлжээ.

Газар хөдлөлтийн бусад бүс, чичирхийллийн хэмжээг нарийвчлан тогтоохоор ажиллаж байна хэмээн Одон орон геофизикийн хүрээлэнгээс мэдээллээ.