"Их эзэн хааны театр"-ын анхны бүрэн хэмжээний бүжгэн жүжиг "Ромео Жульет" тавдугаар сарын 17-нд 17:00 цагаас,18-нд 19:00 цагаас дуурийн театрын тайзнаа амилах гэж байна. Тус бүжгэн жүжгийн цомнолыг У.Шекспирийн мөнхийн хайрын бэлгэдэл болсон "Ромео Жульет" эмгэнэлт жүжгээс сэдэвлэжээ.

Ромеогийн дүрийг УДБЭТ-ын балетын гоцлооч А.Эрдэнэболд, Жульетийн дүрийг УДБЭТ-ын балетын гоцлооч, гавьяат жүжигчин О.Анужин нар бүтээж байгаа юм. “Ромео Жульет”-ын найруулагчаар “Их эзэн хааны театр”-ийн үүсгэн байгуулагч, балетмейстер Д.Дашлхагва ажилласан байна.