Хятадын зүүн эргээр “Ампил” гэж нэрлэгдсэн халуун орны далайн хар шуурга орж ирсэн байна. Энэ жилийн хувьд Хятадад 10 дахь удаагаа ийнхүү далайн шуурга орж ирж байгаа аж.

Хар шуургад Шанхайгаас холгүй орших Чунмин арлын эргийн дагуух нутаг хүчтэй нэрвэгдсэн байна. Шурганы төвд  салхины хурд 100 км/цагийн хурдтай байв гэж Хятадын Цаг уурын албанаас мэдээллээ.

Шуургатай районуудад цаг агаарын аюулын улбар шар түгшүүрийг зарласан ба далайн шуургад Жэзян, Цянсу мужууд ба Шанхайн район хамрагджээ.

Шанхайн засаг захиргаа 192,7 мянган хүнийг аюулгүй газар луу нүүлгээд байгаа аж. Загасчдын болон тээврийн 28 мянган хөлөг онгоц, завь эрэгт  буцан ирцгээсэн ба барилгын талбай, цэнгээний газруудыг  түр хаасан байна.