Загварын ертөнцийг өөрийн ертөнцийн өнгөлөг, дэгжин цүнхнийхээ загваруудаар чимж ирсэн алдарт дизайнер Кэйт Спэйд Нью Йорк дахь байрандаа нас барсан байсныг олжээ. Цагдаагийнхан түүний үхлийг амиа хорлолт гэж дүгнэж буйгаа мэдэгдсэн байна. 

Кэйт Спэйдийн Парк Авенью дэх гэрийн үйлчлэгч эмэгтэй дизайнер бүсгүйг шалан дээр ямар ч хөдөлгөөнгүй хэвтэхийг анх харсан аж. Энэ жил 55 нас хүрсэн Катерине Ноэл Броснан ( Кэйт Спэйдийн жинхэнэ нэр) зурвас үлдээсэн гэдгийг ч Цагдаагийн мэдэгдэлд дурджээ. Авьяаслаг дизайнер бүсгүйн амиа хорлолт гэрийнхэнд нь гэнэтийн зүйл болж, маш хүнд туссан гэж ойрын эх сурвалж хэлжээ.