БНСУ-ын хууль хүчний байгууллагынхан тус улсад хууль бусаар оршин сууж байсан 8351 гадаад иргэнийг илрүүлэн нутаг буцаасан бөгөөд тэдэнд ажил олгосон 1369 Солонгос иргэнийг шийтгэсэн байна. Энэ бол энэ оны эхний хагасын байдлаар гарсан тоон үзүүлэлт бөгөөд цаашид энэ ажлыг эрчимжүүлж, оны хоёрдугаар хагас буюу ирэх 6 сарын хугацаанд үүнээс илүү тооны хүнийг илрүүлж албадан нутаг буцаахаар зорьжээ.

Гадны хууль бус ажилчдад ажил олгосон Солонгос эздийг 3 хүртэлх жилийн хорих ял эсвэл 20 сая хүртэлх воны торгууль оногдуулж байгаа бөгөөд үүний улмаас тус улсад хууль бус ажилчдад ажил олгох явдал багасч эхэлжээ.