Францын Ерөнхийлөгч Эммануэл Макроны АНУ-д хийх гурван өдрийн албан ёсны айлчлал мод тарьснаар эхэлжээ. Тэрбээр АНУ-ын Ерөнхийлөгчид царс мод бэлэглэснээ “Энэ бол хоёр орны урт удаан харилцааны бэлгэдэл” гэж тайлбарласан байна.

Америкийн Ерөнхийлөгч Доналд Трамп, Францын Төрийн тэргүүн Эммануэл Макрон нар Цагаан ордоны ойролцоох зүлгэн дээр мод тарьсан байна.  “Ассошейтед пресс” агентлагийн мэдээлснээр хоёр орны Ерөнхийлөгч Тэргүүн хатагтай нарын хамт царс тарьсан байна. Модыг Дэлхийн нэгдүгээр дайны үед мянган америк цэрэг амиа алдсан Белло Вудээс авчирсан байна.