Германд Карл  Марксийн  төрсөн  хотод  түүний мэндэлсний 200 жилийн ойд зориулан тэг еврогийн мөнгөн дэвсгэрт гаргасан байна. Өнгөрсөн сард  бэлэг  дурсгалын  зориулалттай  тэг еврогийн мөнгөн тэмдэгтийг  5 мянган  хувь хэвлүүлсэн  байна.  Гурван  еврогийн үнэтэй   энэ  дурсгалын  мөнгөн тэмдэгт  сар хүрэхгүйн  хугацаанд  борлогдож  дуусжээ.

Тэг еврогийн мөнгөн тэмдэгт Латин Америкийн орнуудаас авахуулаад дэлхийн өнцөг булан бүрт тархсан байна. Мөнгөн тэмдэгтийг гаргасан Аялал жуулчлалын  компанийнхан  ахиад  20 мянган  ширхэг  тэг  еврогийн  мөнгөн  тэмдэгт  хэвлүүлж гаргахаа  мөн  амласан  байна.   Энэ  бэлэг дурсгалын мөнгөн  тэмдэгтийг  ирэх  23 ны өдрөөс  тус компанийн  сайтаар  дамжуулан худалдан авах боломжтой юм байна. 

Алдарт  философчийн  хөрөг  зураг  бүхий  ийм еврог  орон нутгийн  аялал  жуулчлалын нэгэн компани  гаргасан  байна.