Францын Ерөнхийлөгч Эммануэль Макрон ирэх сард ОХУ-д айлчлахаа мэдэгдсэн байна.

Тэрээр Францын мэдээллийн BFM сувгийн шууд нэвтрүүлгээр ирэх сард Оросын Санкт-Петербург хотод айлчлах тухайгаа дурджээ. Ерөнхийлөгч Эммануэль Макрон болон ОХУ-ын Ерөнхийлөгч Владимир Путин нар Санкт-Петербургийн Олон улсын эдийн засгийн чуулга уулзалтын хүрээнд уулзах юм. Өнгөрсөн оны тавдугаар сард Францын Ерөнхийлөгчийн албан тушаалд суусан дайруйдаа Э.Макрон Оросын Ерөнхийлөгч В.Путиныг Францад урьсан.

Францын Версалийн ордонд болсон уулзалтын үеэр В.Путин Францын Ерөнхийлөгч Э.Макроныг Санкт-Петербургийн Олон улсын эдийн засгийн чуулга уулзалтад оролцохыг урьжээ. Францын төрийн тэргүүн ирэх сарын 24-нөөс 25-ны хооронд Санкт-Петербург хотноо айлчлах аж.