Бид өмнө Ikea брэндийн тавилга болон бүтээгдэхүүнийг угсрахад ямарч саадгүй болж, шинэхэн апплейкшн гарсан талаар мэдээлсэн. Тэгвэл энэ удаад өрөө тасалгаанд ямар тавилга зохицож болохыг зөвлөдөг апплейкшныг танилцуулж байна. 

Худалдаж авсан тавилга нь өрөөнд нь багтахгүй аль эсвэл хэтэрхий томдох тэр бүү хэл зохицохгүй гэх мэт олон зүйлс байдаг. Харин ухаалаг гар утсанд зориулагдсан “Ай Кеа Плэйс” нэртэй апликейшн энэ бүгдийг тухайн тавилга сонгох гэж байгаа хүний өмнөөс хийж гүйцэтгэнэ. 

Гэрийн эзэн өрөө тасалгаандаа таарч тохирох тавилгыг хайж олон дэлгүүр хэсэн, цаг хугацаа алдахгүй байх боломжтой болж байгаа юм. Бүх зүйлсэд хэмнэлт авчирч болно. Таалагдсан, тохирсон тавилгаа шууд ухаалаг гар утсан дахь апликейшнээрээ захиалга хийж худалдахад л хангалттай. Мэдээж өөрийн компанийн барааг танилцуулан санал болгодгоороо онцлогтой.

Гэрийнхээ аль нэг өрөө тасалгааны хоосон орон зай руу ухаалаг гар утсаа харуулан ямар төрлийн сандал, буйдан, ширээ, тавилга тохирохыг харж болдог. Хэлбэр хэмжээ нь тухайн өрөөнд хэр таарч тохирохыг олж мэднэ. Айкеа Плэйс апликейшн өрөөны хэмжээг ч автоматаар авч, боловсруулаад тэр хэмжээнд нь таарч тохирсон тавилга нэг бүрийг санал болгон үзүүлдэг байна. Яг л бодит хэмжигдэхүүн, бодит мэт харагдана. Өрөө тасалгааны хэмжээг зөв тооцоолон гаргахад ухаалаг гар утасны камер үүрэг гүйцэтгэнэ. 

Өрөө тасалгааны хэмжээг авах тооцооллын систем нь 98 хувь таардаг байна.