Өнгөрсөн бямба гарагт Энэтхэгийн сансрын судалгааны агентлаг “GSAT-6A” хиймэл дагуулыг хөөргөсөн юм. Гэвч 41.5 сая ам.доллароор зохион бүтээсэн “GSAT-6A” хиймэл дагуул сураггүй алга болжээ.Энэтхэгийн Засгийн газар хиймэл дагуул дэлбэрсэн ямар нэгэн ул мөр илрээгүй, холбоо тогтоохоор ажиллаж байгаагаа мэдэгдсэн байна. 

Тус улсын Батлан хамгаалах яамнаас уг хиймэл дагуулыг харилцаа холбооны чанарыг сайжруулах зорилгоор хөөргөсөн аж. Энэтхэг улс ойрын 20 жилийн хугацаанд Ангараг гарагт хүн илгээж, Сар луу судалгааны хөлөг хөөргөх зорилт тавин ажиллаж байгаа билээ.