Саудын Араб эмэгтэйчүүдийг Vision 2030 нийгмийн програмын хүрээнд армид элсэхийг зөвшөөрчээ. Ингэхийн тулд 12 шаардлагыг хангасан байх ёстой гэжээ. Тухайлбал Саудын арабын иргэншилтэй, 25-35 настай, ахлах сургуулийн боловсролтой, эмнэлгийн тестэнд тэнцсэн, 155 см-аас дээш өндөртэй байх юм. Саудын Араб биш хүнтэй гэрлэсэн, гэмт хэрэг үйлдэж байсан эмэгтэйчүүд элсэж болохгүй юм байна.

1-р сард Саудын Арабт эмэгтэйчүүдийг хөлбөмбөгийн тоглолтыг стадионд очиж үзэхийг зөвшөөрч байсан. Харин 9-р сард эмэгтэйчүүдийн жолоо барих хоригийг цуцлан эмэгтэйчүүдийг жолоо барих эрхтэй болгосон юм.