Пёнчаны олимпын наадмаас хойд хөрш маань тэмцээний сүүлийн өдөр хоккейн эрэгтэй баг хоёр дахь алтан медалиа авлаа. ОХУ 2002 оны Солт Лейк Ситигийн олимпын хүрэл медалиас хойш хоккейн медаль хүртээгүй байсан юм. Мөн энэ алтан медаль 26 жилийн дараа буюу 1992 оны Альбервиллийн олимпын наадмаас хойш хүртэж буй алтан медаль юм. Сонирхуулахад хуучин ЗХУ-ын хоккейчид 1956-1988 оны хооронд долоон удаа аваргалж байсан түүхтэй. 

Ингээд өвлийн олимпын наадамд Олимпын Орос хэмээх нэрийн дор орсон ОХУ-ын баг тамирчпын хоёр алтан медаль түүхэнд тодоос тод бичигдэн үлдэж байна. Мөн тэд медалийн чансаагаар 13-р байранд эрэмбэлэгдлээ.