Зам тээврийн дүн шинжилгээгээр дагнан ажилладаг INRIX байгууллага жил бүр дэлхийн хамгийн их түгжрэлтэй улс болон хотуудын жагсаалтыг гаргадаг. Тус байгууллага саяхан 2017 оны жагсаалтаа танилцууллаа.
Дэлхийн хамгийн их түгжрэлтэй хотын жагсаалтад ОХУ-ын нийслэл Москва хот хоёрдугаар байрт хоёр жил дараалан бичигджээ. Уг байгууллагын судалгаагаар, москвачууд өнгөрсөн жил замын хөдөлгөөний түгжрэлд дунджаар 91 цаг зогсчээ. Харин АНУ-ын Лос Анжелес хотын иргэд замын түгжрээнд 102 цаг зогссон үзүүлэлтээрээ жагсаалтыг тэргүүлсэн байна. Ингээд дэлхийн хамгийн их түгжрэлтэй хотуудыг танилцуулъя.
- Лос Анжелес /АНУ/
- Москва /ОХУ/
- Нью-Йорк /АНУ/
- Сан-Франциско /АНУ/
- Атланта /АНУ/
- Майями /АНУ/
- Сан-Паулу /Бразил/
- Богота /Колумб/
- Лондон /Их Британи/
- Парис /Франц /
Мөн INRIX байгууллага нь дэлхийн хамгийн их түгжрэлтэй улсын жагсаалтыг гаргасан байна. Улсаар нь авч үзвэл, дэлхийн хамгийн түгжрэл ихтэй орноор Тайланд тэргүүлж, Индонез удаалжээ. Тэдний араас Колумб, Венесуэль орсон бөгөөд тавдугаар байрыг АНУ, ОХУ хуваан эзэлсэн байна.
Гэхдээ энэ судалгаанд Энэтхэг, Хятад, Япон зэрэг орнуудыг хамруулаагүй ажээ.
Эх сурвалж: РИА НОВОСТИ
0
0
0
0
0
0
