"Хаан ширээний тоглоом"-ын зохиолчид болох David Benioff, DB Weiss нар Star Wars-киноны шинэ ангийг бичиж продюсэрлэхээр болжээ. 2-р сарын 6-нд Star Wars-ын албан ёсны вэбсайтад энэ талаар мэдээлсэн байна. Lucasfilm-ын захирал Kathleen Kennedy энэ талаар “David, Dan 2 бол одоо ажиллаж буй хамгийн шилдэг түүх өгүүлэгчид. Тэдний удирдлагаар Оддын дайнд шинэ түлхэц болно гэж бодож байна” гэжээ. Харин  Benioff , Weiss нар “Бидэнд ийм боломж олгосон нь нэр тэрийн хэрэг. Даган ирэх хариуцлагаас бага зэрэг айж байгаа ч "Хаан ширээний тоглоом"-ын сүүлийн улирлыг дуусгаад аль болох хурдан ажиллаж эхлэнэ гэхээс тэсэн ядан хүлээж байна” гэжээ.