НҮБ-ын ажилчид АНУ-ын Палестины дүрвэгчдэд үзүүлэх тусламжаа цуцлах гэж буй шийдвэрийг эсэргүүцлээ. 13 мянган ажилчин нэг өдрийн ажил хаялт зарлан Газагийн сургууль, эмнэлэг, хоол тараах төвийг хаан эсэргүүцэл илэрхийлжээ. Эсэргүүцэгчид Газа хот дахь НҮБ-ын төв хүртэл Палестины туг барин алхжээ.

1-р сарын 16-нд АНУ НҮБ-ын тусламжийн газар 65 сая доллар тусламж үзүүлэхээ больсон талаар мэдээлсэн. Газад 2,5 сая гаруй хүн НҮБ-ын тусламжийн төв болон бусад хүний эрхийн газрын тусламжаар амьдардаг байна.