Монгол бөхийн өргөөнд Улсын начин цолны хүндэтгэлийн барилдаан энэ ням гаригт (X.22-нд) болно. Улсын цолтнуудаасаа хамгийн их хувь эзэлдэг цолны барилдаан 11 дэх жилдээ болох гэж байна. Энэ удаагийн барилдаанд улс, аймгийн цолтой 256 бөх барилдах бөгөөд МҮБХ-ны "Улсын цолтнуудын барилдах идэвхийг нэмэгдүүлэх" шинэ дүрэм тус барилдаанд үйлчилж эхэлнэ. Тиймээс энэ барилдаанд улсын өндөр цолтой болон шинэ цолтон олноор зодоглож магадгүй.