Ардчилсан намын дарга Лу.Гантөмөр Өвөрхангай аймгийн Сант суманд очиж талийгаачийн ар гэр, үр хүүхдэд гүн эмгэнэл илэрхийлж байна.

Тэрбээр, "Сант суманд талийгчийн гэр бүлийнхэнтэй уулзаж эмгэнэл илэрхийллээ. Ар гэрийнх нь хүн энд болсон бүх зүйлийг гэрчлэн ярьж байна. Амьсгал хураахад нь гэрийнх нь хүн нь хажууд нь байсан гэнэ. Энэ бол цэвэр аллага. Өчигдөр МАН-ын дарга АН дээр ирж эмгэнэл илэрхийлсэн. Тэр үеэр энэ сонгууль хэр зэрэг бохир явж байгааг сануулж хэлсэн. Ард түмнийг хуваасан үйл явдал юу болж байгааг энэ хэрэг харууллаа. Дээрэнгүй намын зан, үйл хэрэг ард түмний дунд ороод ирчихсэн байна. Сонгууль шударга явах ёстой. Мөн нэгдүгээр тойрогт нэр дэвшиж буй есөн нэр дэшигч нэрээ татах ёстой гэдгийг сануулж хэлсэн. Яамны дарга, хэлтсийн дарга нараа хүртэл буцаан татах хэрэгтэй" гэлээ.