Улсын арслан М.Бадарчийн нэхэмжлэлтэй допингийн зөрчилтэй холбогдох маргааныг хянан шийдвэрлэх хуралдаан хоёр дахь өдрөө үргэлжилж байна.

Энэ үеэр хурал даргалагчийн зүгээс Улсын арслан М.Бадарчаас “Та допинг хэрэглээгүй гэж байгаа, гэхдээ хориотой бодис та өөрөө хүсэж биш санаандгүй аргаар таны биед орсон байж болох уу. Тийм бол танд ямар нэг хардалт байна уу” гэж асуув.

Улсын арслан М.Бадарч: Хувь хүний хувьд хардалт байгаа. Тавын даваанд намайг даваагаа наймаалцчих гээд 800 сая төгрөг санал болгосон. Тэр хүмүүсийг бас хардаж байна. Би хувьдаа тэр хүмүүсийг бас хардаж байна. Учир нь би тэр саналаас нь татгалзсан. Мөн би өөртөө эргэлзээтэй байсан бол би тэр мөнгийг нь аваад л хэвтчихнэ шүү дээ гэв.