Өнөөдөр /2022.04.20/ Хөгжлийн банкийг шалгах түр хороо хуралдаж байгаа юм. Хуралдаанаар тус хорооны даргаар УИХ-ын гишүүн Ж.Сүхбаатарыг гишүүд сонгосон байна.

Түүний нэрийг УИХ-ын гишүүн Т.Доржханд дэвшүүлж, Б.Энхбаяр нарын гишүүд дэмжсэн ажээ.

Хөгжлийн банкны хянан шалгах түр хороонд: Д.Батлут, Э.Батшугар, Б.Бат-Эрдэнэ, Ж.Бат-Эрдэнэ, Л.Мөнхбаатар, Ц.Мөнхцэцэг, Ж.Сүхбаатар, Б.Энхбаяр, Ж.Батсуурь, Н.Ганибал, Т.Доржханд нарын 11 гишүүн багтдаг.

Тэд Хөгжлийн банкны шалгалтад хууль хүчний байгууллагаас илүү гүн гүнзгий орж шалгаж буй давуу эрхтэй. Тодруулбал, нотлох баримт цуглуулах, гаргуулах, судлах, гэрчээр дуудах, мэдүүлэг авах, асуулт тавих, шинжээч томилох зэрэг хуулийн байгууллагаас илүү давуу эрхтэй ажиллах билээ.