ОХУ-ын уран гулгалтын тамирчин Камила Валиева 2022 оны Бээжингийн өвлийн олимпын наадмаа цааш нь үргэлжлүүлэхээр болж, тэмцээний бэлтгэлдээ гарлаа.

Тодруулбал, Спортын Арбитрын Шүүх /CAS/-ээс Камила Валиеваг өнөөдөр  /2022.02.15/ болох уран гулгалтын ганцаарчилсан тэмцээнд оролцохыг нь зөвшөөрсөн шийдвэр гаргажээ.

Учир нь, Спортын Арбитрын Шүүх Камила Валиевагийн допингийн хэргийн асуудлаарх Олон Улсын Олимпын Хороо /ОУОХ/ болон Дэлхийн Допингийн Эсрэг Агентлаг /WADA/, мөн Олон Улсын Тэшүүрийн Холбоо /ISU/ зэрэг байгууллагуудын гаргасан гомдлыг хэрэгсэхгүй болгосныг зарлалаа.

Хоёрдугаар сарын 15-нд уран гулгалтын ганцаарчилсан тэмцээний богино хэмжээний хөтөлбөр товлогдсон ба Валиева  тэмцээнд 26 дугаартай оролцохоор боллоо.