Монгол Улсын найм дахь Ерөнхийлөгчийг сонгох сонгуулийн санал хураалт явагдаж дууслаа. Үүгээр Сонгуулийн ерөнхий хорооноос 21:30 цагийн байдлаарх сонгуулийн ирцийн мэдээллийг танилцууллаа.

СЕХ-ны дарга П.Дэлгэрнаран хэлэхдээ “22:00 цаг болж сонгуулийн санал хураалт дууслаа. Одоо санал тоолох ажиллагаа эхэлнэ. Улсын дунджаар 52.69 хувьд хүрлээ. Хуулинд заасны дагуу сонгуулийн ирц бүрдлээ” гэв.

Хэсгийн хороодоос ирсэн саналын тоо нэгтгэгдэж эхэллээ. Урьдчилсан байдлаар МАН-аас нэр дэвшигч У.Хүрэлсүх илт давуу саналтай явж байна.