Тулгар төрийн 2229 жил, Их Монгол Улс байгуулагдсаны 814 жил, Үндэсний эрх чөлөө, тусгаар тогтнолоо сэргээн мандуулсны 109 жил, Ардын хувьсгалын 99 жил, Ардчилсан хувьсгалын 31 жилийн ойн Үндэсний их баяр наадмын наймын даваа дуусав.

Увс аймгийн Давст сумын харьяат, улсын арслан Пүрэвийн Бүрэнтөгс Ховд аймгийн Чандмань сумын харьяат, улсын заан Баатархүүгийн Пүрэвсайханыг давж, үзүүрт үлдсэн.

Тэгвэл дөнгөж сая Увс аймгийн Ховд сумын харьяат, улсын аварга Намсрайжавын Батсуурь Архангай аймгийн Цэнхэр сумын харьяат, улсын харцага Мягмарын Бадарчийг давлаа. Ингэснээр Увс аймгийн хоёр бөх түрүү булаалдахаар болов.