Монголын сагсан бөмбөгийн холбооны 19 дэх удаагийн дээд лигийн плейоффын сүүлчийн тоглолт өчигдөр боллоо. Энэ өдөр “Хасын хүлэгүүд” баг “Этүгэн Ирвэсүүд” багийг 109:1015-аар хожсоноор цувралын харьцааг 4:3 болгон шигшээд шалгарсан юм. Хоёр баг үндсэн цагт 101:101-ээр тэнцэж, нэмэлт цагт “Хасын хүлэгүүд” туршлага заан ялалт байгуулжээ. “Этүгэн Ирвэсүүд”-ийн ялагдлын шалтгаан нь тус багийн шилдэг тоглогч Д.Мөнхтүвшин, Г.Баттөр, Ж.Хадсон, Г.Билгүүн, нарын хувийн алдаа тав болж, талбайг чөлөөлсөн нь нөлөөлөв. Ийнхүү Монголын сагсан бөмбөгийн холбооны дээд лигийн финалд “Хасын хүлэгүүд”, “Төв Ургац” баг шалгарсан бол хүрэл медалийн төлөө “Алдар Танан гарьд”, “Этүгэн Ирвэсүүд”-тэй өрсөлдөхөөр болж байна. Медалийн төлөөх тоглолтууд маргааш Спортын төв ордонд болох юм.