Олон улсын хөлбөмбөгийн холбооноос дэлхийн чансааг шинэчлэн танилцууллаа.

Дэлхийн чансааг Герман тэргүүлж, тэдний араас Бразил, Португал удаалж байна.

Мөн эхний тавд Аргентин, Бельги оржээ. Харин польшууд 15 оноо нэмж авснаар нэг шат ахиж, Испанитай адил 1228 оноотой болсноор зургадугаар байрт эрэмбэлэгдэх болов. Энэ чансаанд нийт 34 тоглолтын үр дүн бодогдсон бөгөөд Ливи, Нигерийн шигшээ баг нийт зургаан тоглолт хийсэн бол чансаагаар хамгийн олон оноо авсан баг нь Исландын шигшээ баг болов. Харин Монголын шигшээ багийн чансаа 189-т хэвээрээ байна.