“Бишкек-2018” насанд хүрэгчдийн Азийн АШТ-ий хоёр дахь өдөр эмэгтэйчүүдийн 53, 57, 62, 65, 72 кг-ын жингийн урьдчилсан болон дагах барилдаан боллоо. Өнөөдөр манай таван бөх барилдснаас гурав нь алт, хоёр нь хүрэл медалийн төлөө барилдахаар боллоо.
Тодруулбал, 53 кг-ын жинд ОУХМ Э.Сумъяа БНАСАУ-ын Пак Йон Митэй, 62 кг-д гавьяат тамирчин П.Орхон БНХАУ-ын Луо Сиажуантай, 72 кг-д О.Насанбурмаа Японы Масако Фүрүичитай аваргын төлөө барилдах юм. Харин 57 кг-д ОУХМ А.Батцэцэг БНАСАУ-ын Жон Ин Сунтай, 65 кг-д ОУХМ Э.Цэвэгмид БНСУ-ын Лин Хан Биттэй хүрэл медалийн төлөө хүч үзнэ. Медалийн төлөөх барилдаан монголын цагаар 20:00 минутад эхлэнэ.