УИХ-ын чуулганы нэгдсэн хуралдаанаар Ерөнхийлөгчийн 2017 оны төсвийн тодотголд тавьсан хоригийг хэлэлцлээ. Төсөв болон Хууль зүйн байнгын хороо уг хоригийг хүлээж авах шаардлагагүй гэж үзээд байсан юм. Чуулганы нэгдсэн хуралдаанд оролцсон гишүүдийн олонхи ч Байнгын хороодын саналыг дэмжиж Ерөнхийлөгчийн хоригийг хүлээж авахаа татгалзлаа.

Ерөнхийлөгч Х.Баттулга чуулганы нэгдсэн хуралдаанд бичлэн оролцож 2017 оны төсвийн тодотголд хориг тавих болсон үндэслэлээ тайлбарласан ч ийнхүү дэмжлэг авч чадсангүй.