Хоол хүнсний зохистой хэрэглээ

Сэтгүүлч: Д.Жаргалмаа

3 жил

        Хоол хүнсээ тохируулан хэрэглэхэд өөрийн нас хүйс, бие махбодийн онцлогт тохируулан өдөрт дөрөвөөс доошгүй удаа хооллох дэглэмийг анхаарах.

Өдөрт идэх хоолныхоо: өглөө 20-25%-ийг, бага үдэд 10-15%-ийг, их үдэд 30-40%-ийг орой 25%-ийг хэрэглэх нь зүйтэй. Мөн өөх тосийг тохируулан, сүү цагаан идээг хослуулан, эслэг агуулсан жимс ногоог түлхүү хэрэглэнэ. Таны эрүүл мэндэд тусгай аминдэм, уураг, бодис, илчлэг агуулсан дараах хүнсийг хоолондоо хэрэглэхийг зөвлөж байна.

  • Энерги, илч дулаан илүү өгөх хүнсэнд төмс, хар цагаан будаа, эрдэнэ шиш, талхны төрлүүд
  • Амин дэм илүү агуулсан халдвараас хамгаалах хүнсэнд бүх төрлийн жимс, хүнсний ногоо
  • Булчин хөгжүүлэхэд нөлөөлөх хүнсэнд вандуй, шош, шар буурцаг, газрын самар, сүү, өндөг, мах, загас зэрэг орно.

Хоносон хоол осолтой

Манайхан хоол ундыг тохируулж, улирлын байдалд зохицуулж хэрэглэдэг. Эрс тэс уур амьсгалтай манай нөхцөлд илчлэг ихтэй хоолыг түлхүү хэрэглэсээр ирсэн. Анагаах ухаанд шөлөнд нян өсгөвөрлөн /үржүүлж/ туршилтанд хэрэглэдэг. Тэгвэл гэр, байрны орчны хэм +18 +23 байх ба бэлтгэсэн шөлтэй хоолонд нян үржих боломжтой юм. Тэгвэл хоносон шөлтэй хоолоо халаахад орчны зохих нян нэмэх хэмд өсөж үржин исэлжсэн байдгаараа хоносон хоол идэх нь осолтой.

Хооллох дэглэм

Хооллох дэглэм гэдэг нь нэг хоногт хооллох ундлах хоолны дэглэм хоолыг ажил хөдөлмөрийн онцлогт тохируулан тодорхой цаг баримтлан хэрэглэхийг физиологийн үндэс, хоолны илчлэг чанарын хувиралд, найралгын тохиргоо, шимт бодисын зохих харьцааг тохируулах асуудлыг хамарсан өргөн хүрээтэй ухагдахуун мөн. Ямар ч сайн чанарын хоолыг тодорхой цаггүй идэж уувал тохиромжгүй төдийгүй бодисын солилцоо хоол боловсруулах эрхтний хэвийн үйл ажиллагааг хямрахад хүргэнэ. Идэж уусан хоол хүнсээ боловсруулах эрхтнээр боловсруулагдан улмаар цусаар дамжин бие махбодид шингэж илчлэг хүч болж хувирна. Хүний биеийн зарцуулагдаж байгаа илчлэгийг килокалориар хэмжинэ. Нэг килокалори гэдэг нь 1 л усыг 1С-ийн градусд халаахад үүсэх дулаан юм. Зарцуулах илчлэгийн хэмжээ ихэвчлэн булчингий ажилаас хамаарна. Хүний хоол боловсруулах эрхтнүүдийн шүүс ялгаруулах ажиллагаа удааширах буюу ялгарсан шүүсний чанар доройтвол хоолны шингэц муудаж бодисын солилцооны хамрал үүсгэнэ. Шингэн зүйл ууж, хоол боловсруулах эрхтэн ялангуяа ходоодны шүүсийг байнга шингэрүүлбэл ходоод гэдсэнд хоол тэжээлтэй хамт орсон нянг устгах чадварбуурч, элдэв халдварт өвчинд амархан өртөнө. Хоол боловсруулах эрхтний бүхий л үйл ажиллагааг төв мэдрэлийн системийн хоолны төв зохицуулна. Цадах үед хоолны төвийн цочрол буурч юм идэх сонирхолгүй болно. Цусанд байгаа тэжээлийн бодис эд эсийн хэрэгцээг хангахын хэрээр тэдгээрийн цусанд буй хэмжээ багасгаж цус “өлсгөлөн” байдалтай болж ирнэ. Цусанд гарах энэ өөрчлөлт хоолны төвийг цочроож хоол идэх дурыг төрүүлнэ. Удаан хугацаар өлсөж тодорхой бус цагт хооллох нь хоол боловсруулах эрхтнүүдийн ажиллагааг хямруулж, хоолны шингэцийг муутгаж яваандаа ходоод гэдэсний архаг үрэвслийг үүсгэх нэг нөхцөл болдог.

Хоногт идэж уух хоол ундны барагцаалбал гуравны хоёр хувийг ажил хөдөлмөр хийж байхдаа хэрэглэх нь тохиромжтой.

   Нэг удаад их хэмжээгээр хоолож зуршвал хүний ходоод сунах, таргалах, зэрэг бие махбодын хэвийн үйл ажиллагаа хямрахад хүргэж мэднэ. Нэг удаад хэт их идэх, өөх тос нүүрс усыг их хэрэглэснээр цусан дахь холестрин ихсэж цусны судас хатуурах, цусны даралт ихсэх, зүрхний судас нарийсах байдалд хүргэж болдог билээ.

Хоолыг хэт халуун буюу хүйтэн идэхийг аль болох цээрлэх хэрэгтэй. Нэгдүгээр хоол 75-80С градус, хоёрдугаар хоол 65С градусын халуунтай байвал тохиромжтой. Хэт халуун буюу хүйтэн хоол , хоол боловсруулах эрхтний шүүс ялгаруулахыг нь бууруулан, улаан хоолой ходоодны үрэвсэл үүсэхэд түлхэц болно.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү
Баяраа [64.119.20.xxx] 7 сар
Маш гоё хүнсний мэдээлэл баичсэн байна улам гоё их мэдээлэл бичээрэй
huslen [202.126.88.xxx] 8 сар
Мэдээлэл цуглууларад их хэрэг боллоо