С.Баяр ерөнхийлөгчид гаргасан хүсэлтдээ “Элчин сайдын ажлаасаа чөлөөлөгдөх хүсэлтэй байгаа тул хууль тогтоомжийн дагуу эгүүлэн татах асуудлыг шийдэж өгнө үү” гэжээ.

Тэр Монгол Улсаас Их Британи, Умард Ирландын Нэгдсэн Вант Улс дахь элчин сайдын ажлаасаа чөлөөлөгдөх хүсэлтээ өнгөрсөн долоо хоногт Гадаад харилцааны яаманд ирүүлжээ. Энэ тухай мэдээллийг албан эх сурвалж нотолсон гэж мэдээлэв.

Хуулийн дагуу Засгийн газар энэ асуудлыг хэлэлцэн, улмаар Ерөнхийлөгчид шийдвэрээ танилцуулна. Үүний дараагаар УИХ-аар хэлэлцэн, эгүүлэн татах  эсэхийг ярилцана.