Нийслэлийн замын сангийн хөрөнгө оруулалтаар хэрэгжиж байгаа СБД-ийн 5 дугаар хорооны нутаг “Өгөөж чихэр боов” ХХК-ийн баруун урд уулзварын өргөтгөл, шинэчлэлтийн ажил хийгдэж байна.

Уг ажлын хүрээнд дулааны шугамын хүчитгэлийн таг солих, цахилгаан шугамын шилжүүлэг, нөөц трубо байрлуулах зэрэг ажлуудыг хийж гүйцэтгэхээр төлөвлөсөнтэй холбоотойгоор Үндсэн хуулийн гудамж Сөүлийн гудамжны уулзвараас "Өгөөж чихэр боов" ХХК хүртэлх авто замын тээврийн хэрэгслийн хөдөлгөөнийг 2017 оны 07 дугаар сарын 26-ны өдрийн 22:00 цагаас 2017 оны 07 дугаар сарын 27-ны өдрийн 22:00 цаг хүртэл түр хугацаагаар хязгаарлахаар боллоо.