УИХ-ын чуулганы нэгдсэн хуралдаанаар Төрөөс мөнгөний бодлогын талаар 2018 онд баримтлах үндсэн чиглэл батлах тухай Улсын Их Хурлын тогтоолын төслийн эцсийн хэлэлцүүлгийг хийнэ.

Түүнчлэн Элчин сайдыг эгүүлэн татах, томилох тухай саналыг хэлэлцэж, /Монгол Улсын Ерөнхийлөгч өргөн мэдүүлсэн, зөвшилцөх/ эцсийн шийдийг гаргана.

Үүний дараа Засаг захиргаа, нутаг дэвсгэрийн нэгж, түүний удирдлагын тухай хуульд өөрчлөлт оруулах тухай хуулийн төслийн анхны хэлэлцүүлгийг хийх юм.

Хамгийн сүүлд УИХ-ын Дэд хорооны бүрэлдэхүүнд өөрчлөлт оруулах тухай асуудлыг хэлэлцэхээр төлөвлөжээ.