Австралийн Алекс Ваделтон, Ирландын уран бүтээлч Маркус Баярн нар хамтран “Нэг миллиметр” нэртэй төсөл гаргажээ. Тэдний бүтээл үзэгчдийг бусдыг арьсны өнгө, үндэстэн, угсаа, хүйсээс нь хол даван харж байхыг сануулахаар зорьсон байна.

Харахад шоконд оруулам цуврал зургуудад бүх хүмүүсийг бүрхдэг “нэг миллиметр” арьсыг дэлхийн удирдагчдын нүүрнээс хуулсан байлаа. Төсөл энэ сарын 26-нд болсон Их 7-ийн уулзалттай давхцжээ.

Уран бүтээлчид хүн төрөлхтөн нэгэндээ арьс өнгө, хүйснээсээ үл хамааран хүндэтгэлтэй харьцаж , эцсийн эцэст бид адилхан шүү дээ гэсэн мессежийг өгөхийг хүссэн байв.

Алекс Ваделтон дэлхийн улс төрийн мэдээг үзэж байгаад “дэлхий одоо хутганы ирмэгт ирсэн мэт сэтгэгдэл төрж байсан” тухай ярьжээ. “Бидний удирдагчид хүн төрөлхтний ирээдүйг гэхээсээ илүү өөрийн улсыг хамгаалж байна.  Бидний хоорондын ганц ялгаа бол зүгээр нэг арьс юм байна гэж надад бодогдсон” гэж хэлсэн байна.