Мал эмнэлгийн ерөнхий газрын дарга Х.Алтангэрэл: “Саятан сүрэг” компани нь Говь-Алтай руу 12 ухна зарсан. Эндээс годрон өвчин тархсан нь урьдчилсан байдлаар тогтоогдсон. Мөн энэ компанийн зөвшөөрөлгүй оруулж ирсэн эцэг мал нь 10 гаруй аймаг руу зарагдаж очсон байж болзошгүй байгаа. Бид мөшгөж ажиллаж байна. Годрон өвчний улмаас өнөөдрийн байдлаар Говь-Алтай, Төв аймагт нийт 5871 ямааг устгалд оруулаад байна.