Италийн такси жолоочдын холбоо Америкийн Үберийг шударга бусээр өрсөлдсөн гэж шүүхэд өгөөд байсан ба шийдвэр холбооны талд гарчээ. Ингэснээр Америкийн Үбер Black, Lux, Suv, X , XL, Select машинуудаараа ямар ч үйлчилгээ явуулах зөвшөөрөлгүй болсон. Шүүхийн шийдвэрээр Үберийг Итали улсад зар сурталчилгаа явуулах  боломжгүй боллоо.

Шүүх Үбер 10 хоногийн дотор шийдвэрийг биелүүлэх ёстой гэжээ. Хэрэв шүүхийн шийдвэрийг зөрчин, үйл ажиллагаагаа үргэлжлүүлвэл өдөр бүх 10.000 евро төлөх ёстой болсон тухай La Repubblica мэдээлжээ.

Италийн такси жолоочдын холбоо Үберийн аппликейшин захиалгаараа жирийн такси жолоочдын эсрэг шударга бусаар өрсөлдөж байна гэж үндэслэжээ.

Үбер харин шүүхийн шийдвэрийг эсэргүүцсэн ба шүүхэд гомдол гаргана гэдгээ мэдэгдсэн байна.