БОАЖЯ-ны Төрийн нарийн бичгийн даргаар Д.Ганболдыг томилжээ


2 долоо хоног

Байгаль орчин аялал жуулчлалын яамны Төрийн нарийн бичгийн дарга Ц.Цэнгэл гадаадад суух Элчин сайдаар томилогдон ажлаа хүлээлгэн өгөв. Түүний оронд Байгаль орчин, аялал жуулчлалын яамны Төрийн нарийн бичгийн даргаар Д.Ганболдыг томилжээ.

Д.Ганболд нь 1982 онд Хөвсгөл аймгийн Алаг-Эрдэнэ суманд төрсөн. Эхнэр, хүүхдийн хамт амьдардаг. 2003 онд Монгол Улсын их сургуулийн Эдийн засгийн сургууль, 2014 онд Худалдаа үйлдвэрлэлийн дээд сургуулийг тус тус төгсчээ. Тэрээр  статистик-эдийн засагч мэргэжилтэй, Эдийн засгийн ухааны магистрын зэрэгтэй аж.

2003-2004 онд УИХ-ын Тамгын газарт УИХ-ын гишүүний туслах,

2006-2016 онд Засгийн газрын Хэрэг эрхлэх газарт шинжээч, Засгийн газрын референт,

2015 онд Сангийн яаманд Төрийн захиргааны удирдлагын газрын дарга

2016 оноос Засгийн газрын Хэрэг эрхлэх газрын Захиргаа, хүний нөөцийн газрын даргаар тус тус ажиллаж байжээ.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү