Залуу хосууд граж дотор автомашинаа асаалттай удаан байлгаснаас үүдэн угаартаж нас барсан харамсалтай хэрэг гарчээ. Тодруулбал, энэ сарын 3-ны өдөр Налайх дүүргийн долдугаар хороонд байрлах айлын грашд эрэгтэй, эмэгтэй хоёр хүн нас барсан байжээ.
Хэргийг шалгахад эрэгтэй 26 настай Б, эмэгтэй 23 настай М нар нь марк-2 загварын автомашин дотор угаартсан байдалтай нас барсан байсныг олжээ.
Иймд иргэд та бүхэн автомашинаа гараашдаа оруулсан үедээ дотор нь суухгүй байх, өөрийгөө угаартаж болзошгүй эрсдлээс хамгаалж байхыг анхааруулж байна.