Чөлөөт бөхийн “Beat the Streets Los Angeles” АНУ, Японы эмэгтэйчүүдийн шигшээ багийн халз барилдаан аравдугаар сарын 29-ны ням гаригт буюу монголын цагаар өнөөдөр өглөө АНУ-ын Лос-Анжелес хотын япон дүүрэг “Little Tokyo”-гийн задгай талбайд боллоо.
Халз барилдаан ирэх жилээс хэрэгжиж эхлэх 10 жингийн ангилалд болж АНУ бүсгүйчүүд 6:4-өөр илүүрхэв. Нутгийн эздээс олимп, дэлхийн аварга Хелен Марулисээс бусад бүхий л шилдгүүд барилдсан байна. Харин Наран улсаас дан залуучуудаар багаа бүрдүүлсэн ч дөрвөн ялалт байгуулж чадсан байна.
ХАЛЗ БАРИЛДААНЫ ДҮН:
АНУ - ЯПОН 6:4
50 кг: Викториа Энтони - Кика Кагата 10:0
53 кг: Сара Хилдбрандт - Юри Йонаминэ 11:0
55 кг: Грэси Фигуэроа - Ханако Сава 2:13
57 кг: Кайла Миракл - Йошими Каяама 10:4
59 кг: Али Раган - Кива Сакаэ 2:5
62 кг: Мэллори Велт - Атена Кодама 6:0
65 кг: Мая Нельсон - Мива Морикава 2:11
68 кг: Тамира Менса - Май Хаяакава 10:0
72 кг: Аделине Грэй - Мэй Шиндо 10:0
76 кг: Викториа Фрэнсис - Рино Або 2:7