Онцгой байдлын ерөнхий газраас Архангай аймагт зохион байгуулж буй Гамшгаас хамгаалах команд штабын сургууль өнөөдөр 06:30 цагт “Яаралтай цуглар” зарлан мэдээллийн дуут дохиогоор эхэлж, хэлтэс албадын удирдлагууд, алба хаагчид, сумдын дарга нар, аж ахуй нэгжүүдийн 500 гаруй хүн, 40 гаруй тээврийн хэрэгсэл бэлэн жагссан байна.

Яг одоогийн байдлаар 170 гаруй удирдах албан тушаалтнуудын сургууль дадлага явагдаж байна. Тэд “Газар хөдлөлт” гэсэн цагийн байдлын дагуу ажиллаж байна.