Монголын залуучуудын шигшээ баг нэгдсэн бэлтгэл хийхээр өчигдөр БНСУ-ыг зорьжээ. Тэд Азийн 23 хүртэлх насны АШТ-ний урьдчилсан шатанд тоглоно. Герман дасгалжуулагч Майкл Вайссаар удирдуулсан залуус бэлтгэлийнхээ хугацаанд БНСУ-ын 19 хүртэлх насны шигшээ баг ба Солонгосын гуравдугаар лигийн багтай нөхөрсөг тоглолт хийнэ.

ААШТ-ий “H хэсэг”-т багтсан залуучуудын шигшээ баг 7-р сарын 19-нд Тайланд, 21-нд Индонези, 23-нд Малайзын багтай тоглох хуваарьтай байгаа. 

Монголын хөлбөмбөгийн холбоо, БНСУ-ын хөлбөмбөгийн холбооны хамтын ажиллагааны хүрээнд манай шигшээ баг мэргэжлийн хөлбөмбөгийн “Мокпо” бэлтгэлийн баазад 12 хоногийн бэлтгэл хийхээр болсон.