Коронавирусийн халдварын улмаас улс даяар Ерөнхий боловсролын сургууль, цэцэрлэгийг гуравдугаар сарын 2-ныг хүртэл хаасан билээ. БСШУСЯ, Монголын телевизүүдийн холбоотой хамтран баталсан сургууль, цэцэрлэгийн теле хичээлийн хуваарийг сонирхуулъя. Хоёрдугаар сарын 3-наас эхлэн өргөн нэвтрүүлгийн 18 телевизийн сувгаар, 402 удаагийн 6357 минутын 40 хичээлийг орон даяар хүргэнэ. Энэ ажлын хүрээнд 170 багш бэлтгэлээ базаан, өдөрт 2-4 төрлийн хичээлийг тус бүр 10-20 минутын хугацаанд заахаар төлөвлөөд байгаа юм.