Сонгууль дөхөж байгаа тул улс төрчид энд тэнд, бэлэг сэлт тарааж, сонгуулийн сурталчилгаагаа эхлүүлсэн “үзэгдэл” мэр сэр гарах болжээ. 2020 оны сонгуулийн сурталчилгаа эрт эхэлснийг МАН-ын ерөнхий нарийн бичгийн дарга Д.Амарбаясгалангийн Говь-Алтай аймагт зохион байгуулсан үйл ажиллагаанаас нь тод томруунаар харж болохоор байна.
Аравдугаар сарын 09-нөөс, аравдугаар сарын 19-ний өдрүүдэд Говь-Алтай аймгийн 18 суманд ажиллаж, иргэдтэй уулзжээ.
Сурталчилгааны хүрээнд хошин урлагийн үнэ төлбөргүй тоглолт үзүүлэхээс гадна даралтын аппарат, биеийн халуун хэмжигч зэргийг үнэ төлбөргүй тараажээ.
Сонгууль дөхөхөөр сонгогчдыг хуурч, санал авдаг улс төрчдийн заль мэх ирэх сонгуулиар ч давтагдах гэж байгаагийн илрэл хэмээн үзэж байна.