Монголын орчин үеийн утга зохиолыг үндэслэгчдийн нэг, XX зууны манлай Монголч эрдэмтэн Еншөөбүү овгийн Раднаагийн буюу Бямбын Ренчин 1905 оны арваннэгдүгээр сарын 21-нд Сэлэнгэ аймгийн Алтанбулаг сумын нутаг Булсарай хэмээх газар мэндэлжээ. Нэрт эрдэмтэний эцэг нь халх, эх нь Цогт тайжийн удмын Сонгоол Боржигон буриад хүн байсан аж. Дашрамд сонирхуулахад, Бямбын Ренчин нь англи, франц, герман, чех, польш, эсперанто, орос хэлийг гаргууд эзэмшсэн бөгөөд эсперанто хэлний сурах бичгийг зохиосон юм.