Согтууруулах ундаа үйлдвэрлэдэг 32 ААН-ийг дахин шалгана


2 долоо хоног

Согтууруулах ундаа үйлдвэрлэх тусгай зөвшөөрлийг түдгэлзүүлсэн, үйлдвэрийн байрыг өргөтгөх шинэчлэх, хаяг байршлаа өөрчилсөн гэсэн шалтгаанаар Захиргааны ерөнхий хуулийн дагуу хариу тайлбар ирүүлсэн 32 аж ахуй нэгжид ирэх оны нэгдүгээр улиралд хяналт, шалгалт явуулахаар болсон.

Үүнтэй холбоотойгоор МХЕГ-ын Хүнсний аюулгүй байдал, хөдөө аж ахуйн хяналтын газраас эдгээр аж ахуй нэгжүүдийн удирдлагуудтай уулзжээ.

Уулзалтаар Засгийн газраас гарсан тогтоол шийдвэрийн талаар танилцуулж,  2019 оны эхний улиралд зохион байгуулагдах хяналт шалгалтаар үйл ажиллагаа явуулаагүй,  тусгай зөвшөөрлийг сунгах нөхцөл, шаардлагыг хангаагүй аж ахуй нэгж байгууллагуудын тусгай зөвшөөрлийг хүчингүй болгох санал, дүгнэлтийг Засгийн газарт тавьж, шийдвэрлүүлнэ гэдгийг анхааруулсан байна.

Монгол Улсын Засгийн газрын “Архидан согтуурахтай тэмцэх талаар авах зарим арга хэмжээний тухай” 46 дугаар тогтоол, Улсын Ерөнхий байцаагчийн албан даалгаврын хүрээнд 2017 онд улсын хэмжээнд согтууруулах ундааны үйлдвэрүүдэд хяналт шалгалт хийж 16 аж ахуй нэгжийн тусгай зөвшөөрлийг хүчингүй болгосон байна.

 
 
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү