“World Justice Project” байгууллагаас гаргасан дэлхийн хамгийн нээлттэй гүйцэтгэх засаглалтай орнуудын чансаанд Монгол Улсын Засгийн газар 61 дүгээр байрт эрэмбэлэгдлээ. Чансааг гаргахдаа мэдээллийн нээлттэй, ил тод байдал, иргэдийн оролцоог хангасан байдал зэргийг шалгуур үзүүлэлт болгосон байна. Энэхүү чансаанд Азийн орнуудаа Япон Улс тэргүүлж, БНСУ, Сингапур эхний гуравт жагсчээ. Монгол Улсын хувьд Ази тивдээ наймдугаарт эрэмбэлэгдсэн байна.