“Хүчээ нэгтгэе” уриан дор болж буй Монголын эдийн засгийн чуулганаар төр, хувийн хэвшил хамтран эдийн засагт тулгамдаж байгаа олон асуудлыг ярилцаж, гарц, шийдэл хайж бодит үр дүн гаргана гэсэн хүлээлт нийгэмд өндөр байна.

Чуулганыг Монгол Улсын Ерөнхий сайд нээж үг хэлсний дараа Дэлхийн банкны төлөөлөл “Олон улсын чиг хандлага ба Монгол Улсын боломж” сэдвээр илтгэл тавих юм байна.

Энэ үеэр Ерөнхий сайд Тавантолгойн ордыг эргэлтэд оруулах хувилбараа танилцуулах аж. Уг ордоос иргэн бүр 1072 хувьцаа эзэмшдэг. Үүнийг эргэлтэд оруулж, иргэдэд ногдол ашиг хүртээх ёстой гэх байр суурийг зарим улстөрч илэрхийлж буй.