Спортын төв ордонд үргэлжилж буй жюү жицүгийн олон улсын “Ulaanbaatar PRO” тэмцээний өсвөр үеийн 23 кг-ийн жинд аваргалсан, БЗД-ийн 44 дүгээр сургуулийн дөрөвдүгээр ангийн сурагч М.Есөнбаатартай ярилцлаа. 
-Алтан медаль хүртсэнд баяр хүргэе. Сэтгэгдлээсээ хуваалцана уу?
-Баярлалаа. Үргэлж тусалж, зөвлөдөг Нямлхагва багшдаа баярлалаа. 
-Өрсөлдөгчид хэр байв?
-Надаас том биетэй, биерхүү, бяртай байсан. Гэхдээ би айгаагүй ээ. Ялна гэж л барилдсан.
Хэдэн настайгаасаа хойш барилдаж эхэлсэн бэ?
-. Би есөн настай. Дөрвөн настайгаасаа барилдаж эхэлсэн. Барилдах гоё байдаг. 
-Чи зөндөө олон медальтай юу. Хэд дэх медаль нь вэ?
-Жиү жицүгээр авч буй хоёр дахь медаль маань. Би өнгөрсөн өвөл болсон УАШТ-д 21 кг-ийн жинд түрүүлсэн.